Medlem av Norsk Antikvarbokhandlerforening

Velkommen til K.A. Straumsvågs antikvariat

Vi har over 30 000 bøker i butikkhyllene og ca. 25 000 bøker på internett.
 
Leit i lagerkatalogen her: Boksøk

K:A. Straumsvågs antikvariat

Kjell Arve Straumsvågs Antikvariat er ein del av Den norske bokbyen i Fjærland. Bokbyen vart grunnlagt i 1996 og var mellom dei ti første i verda. Oppgjennom åra har bokbyen vorte eit sikkert reisemål for bokelskarar frå inn- og utland. I dag er det seks butikkar og andre utsal som sel bøker i bokbyen. Vi reknar med at det i alt er bortimot 150 000 bøker, blad og teikneseriar til sals her. Dette er unikt. Ingen stad i Noreg er det eit så rikt og allsidig boktilbod som i dei to bokbyane i Fjærland og Tvedestrand. Her er det bøker frå heile 1900-talet og 2000-talet. Ingen bøker er for gamle eller for nye. Siste delen av 1800-talet er og godt representert.

Fjærland ligg i Sogndal kommune i Vestland fylke. Bygda ligg ved hovudvegen mellom Skei i Jølster og Sogndalsøyri. Knappe to kilometer frå bokbyen finn du Norsk bremuseum. I Mundal, der bokbyen ligg, er det badstove på fjorden og kajakkutleige. Servering og overnatting hjå lokale tilbydarar med særpreg spreidde omkring i Fjærland. Sjå på www.fjaerland.org

Straumsvågs Antikvariat vart oppretta i 2005 etter at Nynorsk Antikvariat vart delt. Antikvariatet flytta vinteren 2023 til nye lokale. No er alt samla på eitt plan og i eitt hus. Større butikk har vi ikkje hatt. Lyst og oversikteleg med god plass mellom bokhyllene. Har du ikkje vore i bokbyen på lenge, eller kanskje aldri før, besøk oss i år!

Sumarstid er butikken vår og resten av bokbyen open sju dagar i veka frå første halvdel av mai til litt ut i september. Bortsett frå 17. mai, då er det stengt. Frå midten av juni til midten av august er opningstida til Straumsvågs Antikvariat 10-18. I starten og mot slutten av sesongen er opningstida stuttare. Kontakt oss gjerne for informasjon. Vi har postordresal kvar dag heile året. Sjå lenke til lagerkatalogen litt lenger opp på sida her.

Frå fjordkanten i Mundal kan den besøkjande sjå rett opp mot Flatbreen og Supphellebreen.

Det er lett å koma seg til Fjærland med ekspressbuss eller bil. Wideroe flyg fast til Sogndal lufthamn.